当前所在位置:主页 > 探险小米 >2018 年游戏界回顾 (上)「雷声大雨点小?」2018 年

2018 年游戏界回顾 (上)「雷声大雨点小?」2018 年

2018 年游戏界回顾 (上)「雷声大雨点小?」2018 年

真三国无双 8

《 Fallout 76 》未推出之前佢根本就係 2018 伏 game 之最,出之前标榜新系统、开放世界真係令唔少 fans 兴奋。不过出到嚟居然喺旧 PS4 / PS4 Slim 大跌 frame rate ,就算 Pro 机冇呢个问题,大家都发现地图係就係大咗,但剧情并冇随之变得丰富,最后沦为「真.跑步无双 8 」。题外话,成件事最搞笑係,唔用新系统居然成为咗 9 月推出嘅《无双 OROCHI 蛇魔 3 》嘅卖点之一⋯⋯

2018 年游戏界回顾 (上)「雷声大雨点小?」2018 年

星之卡比 新星同盟

戴返个头盔先,我係知《星之卡比》係主打细路仔市场嘅,但都真係有啲失望。算係元老级嘅卡比积落嘅 fans 一定唔会少,作为新机第一只卡比真係引到唔少人狗冲,虽然细佬唔係集集卡比都玩齐,但呢集真係我玩过游戏性最低嘅一集。而家最令大家觉得伏嘅係佢个价同其他 3A 大作睇齐,就以美国定价 US$59.99 嚟讲, US$59.99 你可买到 Zelda 、 Mario Odyssey 、 FIFA、 Pokémon 、大乱斗等等,求其一只嘅游戏性都远超《星之卡比 新星同盟》,但佢哋同价⋯⋯如果佢卖平返 US$20 ,我谂大家就唔会觉得佢伏。

2018 年游戏界回顾 (上)「雷声大雨点小?」2018 年

The Quiet Man

近年开始有唔少混合真人影集嘅游戏推出,有啲都几受欢迎,可能因为可以当睇戏,自己又有得参与下。呢只 game 标榜玩家玩嗰阵可以感受到自己係一个听障人士,而且动作指导係《人中之龙》嘅滨田修一郎,期待度当然高。可惜个所谓感受到自己係一个听障人士只係等同你打机唔开声,但最难令人理解嘅係喺冇声冇字幕嘅情况下,点解主角会明对方讲紧乜知要做乜⋯⋯就算爆机之后嘅 New Game Plus 会加返哂啲声落去,但似乎大家都唔太受落。不过公平啲讲,原价都只係 HK$99 ,本来真係唔应该有咩期望,只係佢啲预告吹得太大,先搞到大家玩落同期望有好大落差。

2018 年游戏界回顾 (上)「雷声大雨点小?」2018 年

Fallout 76

年度伏作!相信都唔使细佬点解释,但最伏嘅竟然唔係只 game ,只 game 伏都仲可以用新 content 补救,最伏係买你个限定版,实体特典帆布袋变尼龙袋,要去到有律师行话可以帮玩家提告先跪低,但好死唔死之后个 server 无啦啦出事,搞到登记攞返帆布袋嘅玩家资料可以任人睇,你话 2019 最伏仲唔係佢!?

2018 年游戏界回顾 (上)「雷声大雨点小?」2018 年

当然,今年都有唔少好 game 嘅,炒冷饭但实际唔多人玩过嘅《 Bayonetta 》、暗黑版 Sim City 嘅《 Frostpunk 》、攞奖攞到手软嘅《 God of War 》、延续 Marvel 热潮嘅《 Marvel’s Spider-man 》、令人有深切反思嘅《 Detroit: Become Human 》、记忆系统超强嘅《 Red Dead Redemption 2 》同两只 Indie Game 《 Celeste 》同《 Dead Cells 》。而最令细佬婉惜嘅就係《 Labo 》,其实个设计意念係几好,可惜佢都係打破唔到大家觉得只係用几旧水买纸皮嘅印象,特别喺香港咁潮湿的确係几难保存,不过喺欧美地区《 Labo 》係几受欢迎,之后应该继续有新 Labo 嘅玩意推出。


相关推荐